பணத்தை சம்பாதிக்க தான்
பட்ட கஷ்டங்களை எல்லாம்
சொல்லாமல் தன்னை மிகவும்
சிறந்த திறமைசாலியாக
காட்டிக் கொள்ளும் அப்பாவி அப்பா..
ஏனென்றால் தகப்பனின் வலிகள்
தனது செல்ல மகனுக்கோ
பாசமான மகளுக்கோ தெரிந்து விட்டால்
அவர்களின் மனது வலிக்குமே என்றே நினைக்கும் அப்பாவியான அப்பா
யானை இரயில்
இரண்டுக்கும்
பல ஒற்றுமைகள்
ஏனோ அவற்றை
கண்டுகொள்ள நேரமின்றி
இவற்றின் பயனை மட்டுமே
அனுபவிக்கும் மனிதரில்
நானும் ஒருவன்... யானையும் ரயிலும்
தனக்கான பாதையை
மாற்றுவதே இல்லை.. ஆனால்
மனிதன் அவசர ஆசைக்கு
அவற்றின் பாதையில்
குறுக்கே செல்லும் போதே
பெட்டி செய்திகளில் இவை...
யானையின் பிளிறல்...
நான் வருகிறேன் வலசை பாதையை மறிக்காதே என்கிறது..
ரயிலில் பிளிறல் இயந்திரமாய்
வருகிறேன் தள்ளி நில்லுங்கள்
என்றே எச்சரிக்கை செய்கிறது..
யானைகளால் காடு வளம் பெறுகிறது
ரயிலின் சேவையால் நாடு
நலம் பெறுகிறது.. மொத்தத்தில்
சொன்னால் யானை ரயில்
இரண்டின் பிளிறல் சத்தமும்..
நன்மையே செய்கிறது அவர்களின் பாதையில்
சுயநல மனிதர்களாய் நாம் குறுக்கிடாத வரை
யானையும் ரயிலும்
அவளுக்கு யாரிடம்
எப்படி பேசணும் என
தெரியாது...அவள்
சாப்பிடும் தட்டை கூட சிலநேரங்களில்
தூக்கி வீசிவிடுவாள்.
அவள் பல நாட்களுக்கு
குளிப்பதே இல்லை.. நாம
ஒன்று கேட்டாள்...அவளோ
ஏதோவொரு கற்பனை உலகில்
இருந்தபடி மற்றொரு பதில் சொல்வாள்
மொத்தத்தில் சொன்னால்
அவள் ஓர் பைத்தியக்காரி என்றே
ஊரும் உறவும் சொந்தமும்
அவளை வெறுத்து ஓதுக்கியது..
கருப்பு சட்டையில் வந்த மக்கள் கூட்டமும்
அவளை பெண்ணாக கூட மதிக்கவில்லை..
ச்சீய் தள்ளி போடீ...பிச்சைக்கார......மு..... டே...
காசு கேட்டு வந்துட்டா
கேமராக்கள் இல்லாத காரணமாக
தங்களின் சுய ரூபத்தில் சில உத்தமர்கள்
ஆனால் அவளுக்கோ அற்ப ஆசை இல்லையே முகத்தில்
போலியாக சிரித்து புறமுதுகில் குத்தும்
கெடு புத்தி இல்லாதவள் ..
அது மட்டுமா அவளுக்கு தெரியாது..
இன்னும் இன்னும் எத்தனையோ
அவளுக்கு தெரியாதே...தென்கோடி கடற்கரையில்
பகலுக்கும் இரவுக்கும் வெயிலுக்கும்
மழைக்கும் கூட அவளுக்கு
வித்தியாசம் தெரியாதே ...
உறவுகளும் சொந்தமும்
நட்பும் ஏமாற்றி பிறகு வாழ்வை
வெறுத்து கடற்கரையில்
சாக நினைத்து வந்தவனின்
அருகில் சென்று வாசனையுடன்
கேட்டாள் "ஏன் தங்கம்" உலகமே
உன் பாட்டை கேட்க துடிக்குது..
நீ எதுக்காக சாகப்போறே...
உம் பாட்டை அந்த ஆத்தா பகவதிகிட்ட
பாடி காட்டீனீயா....நீ பெரிய
இசையமைப்பாளர் அப்படின்னு
நேத்தே சொன்னா...
நீ பெரிய புகழ் அடைய போறீயாமே
அவளின் காலில் நெடுச்சாண்கிடையாக
வீழ்ந்தான்.. அம்மா தாயே காப்பாத்து
அடுத்த வேளை சோத்துக்கே
வழியில்லை நீ என்னவோ சொல்லுறீயே...
அதனால் தான் ஊர் என்னை பைத்தியக்காரின்னு
சொல்லுது ... ... கலகலவென சிரித்தாள்
அவனின் புத்திக்குள் பல இசைகள்
உருவாகியது பல வண்ணங்களாக
மனிதர்களின் எண்ணங்களை
நொடியில் மாற்றிவிடும் அழியாத
இசை சின்னங்களாக...
எந்த கடையில் எந்த ஊரில்
எந்த பொருள் மலிவான
தள்ளுபடி விலையில் என்று
தேடித்தேடி வாங்கும் நானே தான்
கடவுளிடம் கேட்டேன்..
ஆண்டவா நான் நூறு வயசுக்கு வாழுணும்...
அதுக்கு நீ தான் அருள் செய்யணும் என்றே....
தள்ளுபடி வாழ்க்கை.
எத்தனையோ இடைஞ்சல்களையும் தாண்டித்தான் அவனின் அம்மா அவனுக்கு அனுமதி கொடுத்தால்..நீ போய் பாருங்க பக்கத்து ஊரில் வேலை தந்தா மட்டும் தான் நீ அந்த கம்பெனியில் சேரணும்..இல்வாட்டி எங்க கூடவே இருந்துகிட்டே கிடைக்கிற வேலையை பாரு போதும்..
நீ சம்பாதிச்சு வந்து கொட்டணும் என்று ஓண்ணுமீ தலையெழுத்து இல்லை புரியுதா.சரிம்மா என்றே ஊருக்கு கிளம்பினான் காலை நேரத்து முதல் பேருந்தில் ஏறி அமர்ந்தவனுக்கு மனதிலும் சிந்தனையிலும் ஆயிரம் ஆயிரம் சஞ்சலமும் சந்தேகமும்.
நமக்கு வேலை கிடைக்குமா.. ஓர் வேளை நம்மை விடவு திறமையானவங்க வந்திருந்தா என்ன செய்வது..
முதல் வேலைக்கான நேர்காணலுக்கு குடும்பத்தின் சுமை கவலை என்றே சோகம் தோய்ந்த முகத்துடன் பேருந்தில் ஜன்னலோரமாக இருந்தவனுக்கு தனது ராசியாக புன்னகையை பரிசாக தந்த கைகளை அசைத்த..நீ எடுத்து வைக்கும் முயற்சியில் எல்லாம் உனக்கு சுக்கிர திசை தான் என்பது போல் கைகளை அசைத்து அம்மாவின் ராட்சத பிடியில் இருந்தாலும் உலகிற்கு இருக்கும் அனைவரிடமும் சிரித்த முகமாக டாடா காட்டும் சிறு தேவதை... ஏய் பிசாசு என்னடீ பண்ணுவோம் என்றது முகத்தில் சோகமாக வைத்து கொண்டு தவறே செய்யாதவள் போல் தரையை பார்க்கிறாள். அந்த குட்டி தேவதை..
இந்த கழுதை எத்தனை சொன்னாலும் மண்டையில் ஏறாது எப்போ பாரு யாரையாவது பார்த்து டாடா காட்டிக்கொண்டு இருக்குது..
சற்று தொலைவில் யாரோ கவலை தோய்ந்த முகத்துடன், இருக்கிற பண்டம் பாத்திரம் எல்லாமும் அடமானம் வைச்சாவது இவளுக்கு கல்யாணத்தை பண்ணி வைச்சுட்டா அதுக்கு பிறகு எனக்கு இல்லையே இல்லை
தாத்தா போன பிறகு இவளுக்கு தாத்தா நினைப்புலயே ஆஸ்பத்திரி போனது தான் மிச்சம்.
கடன்கார மாமன் இரண்டு பேர் இருந்தும் தண்டம் தான் அவனுங்க..பொண்டாட்டி முந்தானைமை பிடிச்சுகிட்டு... எங்க அப்பா கல்யாணத்து தருவதாக சொல்லி இருக்கலாம் அதெல்லாம் எங்களுக்கு எப்படி தெரியும்.
சாகும் போது என் மகளுக்கு பேத்தி இதையெல்லாம் கொடுங்கன்னு எங்க கிட்ட எதையும் சொல்லை போதும்..சொன்ன வலிமிக்க வரிகள்...
அவர்களின் வீட்டின் வராண்டாவில் கூட கடவுள் இருந்து தினமும் சொல்லிக் கொண்டே இருக்கிறார்..நீ ஆசிர்வாதமாய் இருப்பாய் என்றே
தாத்தா இல்லாத குறை தெரியாம வளரத்துட்டேன்.. இனிமே எப்படி சமாளிக்க போறேனா தெரியலை.கல்யாணத்துக்கு தாய் மாமன் சீர் செய்ய அந்த மூதேவிக தானே வரவேண்டி இருக்கு அதான் அமைதியா இருக்கேன்...எல்ல்ஆம அந்த மருதமலை முருகன் தான் இவளுக்கு நல்ல வழி காட்டணும்
மும்மரமாக பேசிக்கொண்டு இருந்தனர் . அவர்களின் வார்த்தைகளை கேட்டவள் மறுபுறமாக திரும்பி நின்றபடி தனது துப்பட்டாவில் கலங்கிய கண்களை துடைத்து கொண்டவளையும் மீறித்தான் தாத்தாவின் பாசமும் நேசமும்..
தாத்தா உயிரோடு இருந்தஆட்அவர்களை பார்த்து கண்களை சிமிட்டும் புன்னகையை செய்யும் குட்டி குழந்தை...எங்கோ த
ஈஷா உலகிற்கு எல்லா நல்ல விஷயங்களையும் சொல்லிக்கொண்டிருக்கிறார். இன்றைய உலகில் எல்லோரும் பணத்தின் பின்னால் ஓடி உடல்நிலையை இழந்து கொண்டிருக்கிறார்கள். இஷாவை பலர் ஏன் புகழ்கிறார்கள், அவருக்கு நாளுக்கு நாள் அதிகமான பின்தொடர்பவர்கள் வருகிறார்கள்.
காரணம் மிகவும் எளிது. அவர் செல்வாக்கு மிக்க நபராக மாநிலத்தை அடைந்திருந்தாலும். இதுவரை அவர் அரசியல் கட்சி பற்றி எதுவும் பேசவில்லை.
அவர் இந்த சமூகத்தில் எந்த பிரச்சனையையும் உருவாக்கவில்லை, ஒவ்வொரு மனிதனையும் இயற்கையான முறையில் அமைதியாக வாழ வைக்க முயற்சிக்கிறார்.
காட்டு வளப்படுத்தல் என்று சிலர் அவரைக் குறை கூறலாம். இந்திய கலாச்சாரம் மற்றும் இந்திய தத்துவத்தைப் பற்றி மக்கள் தெரிந்து கொள்ள வேண்டும், அதை அறிந்து கொள்ளுங்கள். பெரிய துறவி கூட்டத்திலிருந்து விலகி தனிமையான இடத்தில் அமைதியாக வாழ முயற்சி செய்யுங்கள். 30 ஆண்டுகளுக்கு முன்பு ஈஷாவும் இதையே செய்துள்ளார்.
மக்கள் தங்கள் நிவாரணம் மற்றும் வழிகாட்டுதலுக்காக அவரை அணுகியபோது, பணம் பெறாமல் தான் உணர்ந்ததை அவர்களுக்குக் கற்றுக் கொடுத்தார்.
அவரது போதனைகளிலிருந்து பயனடைந்தவர்கள் பின்தொடர்பவர்கள் என்று அழைக்கப்பட்டனர், அவர்கள் ஈஷாவை மட்டுமே அடித்தளமாக உருவாக்கினர்.
நான் ஈஷாவை ஆதரிக்கிறேன். மிகப்பெரிய மதப் புரட்சியை ஏற்படுத்தியதற்காக அவரை தென்னிந்திய பாபா என்று அழைக்க விரும்புகிறேன்.
Isha is telling all the good things to the world. In today's world everyone is running after money and losing their health. Why are many praising Isha, he is getting more followers day by day.
The reason is very simple. Even though he has reached the state as an influential person. So far he has not spoken anything about political party.
He has not created any problem in this society, he is trying to make every human being live peacefully in a natural way.
Some may blame him for forest encroachment. People should know about Indian culture and Indian philosophy, get to know it. Try to live peacefully in a secluded place away from the big ascetic crowd. Isha has also done the same 30 years ago.
When people approached him for their relief and guidance, he taught them what he felt without taking money.
Those who benefited from his teachings were called followers, they made Isha the only foundation.
I strongly support Isha. I like to call him the Baba of South India for bringing about the biggest religious revolution.
தினமும் தங்கத்தின்
விலை ஏறுகிறது
என்றே கூச்சலிட்டே
தங்கள் பத்திரிகை
வியாபாரத்தை தக்கவைக்கும்
தந்திரம் அறியா மக்கள்
ஏனோ..என்றோ வாங்கும்போகும்
தங்கத்தின் விலை நித்தமும்
தேடிப் பிடித்து படித்தே
வாழ்கின்றனர்.. ஆனால்
குழந்தைகளோ தங்கத்தை
பற்றிய கவலைகளை விடுத்து
வருங்காலத்தில் வரலாறு
படைக்க படிக்கின்றனர்
ஆவணத்தின் விலைய விடவும்
தங்கத்தை விடவும்
மதிப்பு மிக்கது கல்வியே
(டீ மாஸ்டரைப் பற்றிய ஒரு அருமையான கதை.
இந்தக் கதை, டீ தயாரிக்கக்கூடத் தெரியாத ஒருவரைப் பற்றியது. வெற்றிகரமான நபராக மாறி, டீ தயாரிக்கும் பிரச்சாரத்தை நடத்துகிறார்.
நீங்கள் தற்போதைய செய்திகளையோ அல்லது சூழ்நிலையையோ என் கதையுடன் ஒப்பிட்டுப் பார்த்தால், கதை கற்பனையால் மட்டுமே நிறைந்துள்ளது, இது மிகவும் அபத்தமானது. தயவுசெய்து என் கதையைப் படித்து ஒரு பொழுதுபோக்காக மகிழுங்கள்.)
ஒரு கிராமத்தில் ஒரு இளைஞன் இருந்தான். அவன் புகழ்பெற்ற கல்லூரியில் பட்டம் பெற்றான். ஆனால் விதி அவனுக்கு நல்ல வேலை கிடைக்கவில்லை.
ஒரு நாள் அவன் மிகவும் வருத்தப்பட்டு ஒரு ரயில் நிலையத்தில் அமர்ந்தான். அவனுக்கு மிகவும் பசித்தது, சாப்பிடக்கூட அவனிடம் பணம் இல்லை. அவன் தன் பாக்கெட்டிலிருந்து ஒரு தேநீர் மட்டுமே வாங்க முடியும். அவனிடம் அவ்வளவுதான் இருந்தது.
டீக்கடைக்காரர் டீ மாஸ்டரைப் பார்த்து, நீங்க 15 வருஷத்துக்கும் மேல வேலை செய்றீங்க, ஆனா டீ எப்படி சரியாகத் தயாரிப்பதுன்னு கூடத் தெரியல, ரொம்ப அவமானம்னு கத்திட்டுப் பேசுறதைக் கவனிச்சார்.ஒரு யோசனை அவன் மனதைத் தூண்டியது. என்கிட்ட பணம் இல்ல, ஆனா ஒரு யோசனை இருக்கு. எல்லா கடைக்காரரும் டீம்மேஸ்டர்களை கடின உழைப்புக்குப் பிறகும் திட்டுவாங்க.
இந்த வாய்ப்பைப் பயன்படுத்திக்கிட்டு, டீக்கடைக்காரரிடமிருந்து சம்பாதிச்சு, நான் சரியான டீ தயாரிக்கக் கற்றுக்கிட்டேன்னு சொல்லிடலாம். கடவுளுக்குத்தான் தெரியும், எனக்கு டீ தயாரிக்கத் தெரியாது. ஆனா எனக்கு பணம் தேவை, அதனால இந்த விளையாட்டைத் தொடங்கலாம். அது வேலை செய்தால், எனக்குப் பணம் சம்பாதிக்க முடியும், மரியாதையும் கிடைக்கும்.
அவர் சந்தித்த அனைவருக்கும் கற்றுக் கொடுத்தார். உங்களுக்கு டீ தயாரிப்பது எப்படி என்று தெரியாது, எனவே எனது சிறந்த ஆலோசனையைக் கேளுங்கள், சிறந்த டீ தயாரிப்பது எப்படி என்று நான் உங்களுக்குக் கற்றுக் கொடுப்பேன். கடை உரிமையாளர் கூறினார், அவர் ஏற்கனவே 20 ஆண்டுகளுக்கும் மேலாக டீ மாஸ்டர் சேவை செய்து வருகிறார்
தேநீர் மாஸ்டர் மிகவும் வயதாகிவிட்டார், எனவே அவருக்கு புதிய போக்குகள் மற்றும் தொழில்நுட்பம் பற்றி தெரியாது, நீங்கள் என்னை லட்சக்கணக்கில் வேலைக்கு அமர்த்தினால், நான் உங்கள் ஊழியர்களுக்கு பயிற்சி அளிப்பேன், பின்னர் உங்கள் கடை கோடிக்கணக்கில் லாபம் ஈட்டும் என்று அவர் கூறினார். பேராசை கொண்ட கடை உரிமையாளர் லட்சக்கணக்கில் பணம் கொடுத்தார்.
எப்படியோ கடை விற்பனையில் உயர்ந்தது.
அதே நபர் ஒவ்வொரு தெருவிற்கும் சென்று அதையே சொல்லி கோடிக்கணக்கில் செல்வத்தை ஈட்டினார்
பின்னர் அவர் தனது சொந்த ஊருக்குச் செல்கிறார், அங்கு அவர் தேநீர் தயாரிக்கும் தொழில்நுட்பத்தின் மூலம் சம்பாதித்த தனது கடின உழைப்பால் சம்பாதித்த பணத்தை எல்லாம் முதலீடு செய்தார்.
ஆனால் அவரது கடை எந்த லாபத்தையும் ஈட்டவில்லை, அவர் சம்பாதித்ததெல்லாம் அவரது சொந்த கடையிலேயே வீணானது.
அவரது தேநீர் கடையின் முன் இரண்டு பேர், தங்களுக்குள் பேசிக்கொண்டனர். வணக்கம் ராம், நான் கடவுளை நம்புகிறேன் என்று எனக்குத் தெரியும்.
இந்த ஆள் டீக்கடைன்னு சொல்லி பணத்த கொள்ளை அடிக்கிறாரு. ஆனா, இவங்களுக்கு டீ எப்படி தயாரிக்கிறதுன்னு கூடத் தெரியாதுன்னு அவனுக்கும் கடவுளுக்கும் மட்டும்தான் தெரியும்
( இந்தக் கதை தன் அப்பாவின் காதல் கதையைப் பற்றி கேட்கும் பெண் சம்பந்தப்பட்டது )
எனக்கு இந்த கல்யாண வீட்டுக்கு வர இஷ்டமே இல்லை ஆனால் இந்த
அப்பா தான் என்னை கட்டாயப்படுதி அழைச்சிட்டு வந்து...அம்மா அப்பாவை எங்கே என்ற விஷ்ணு துர்க்கா. .
அட உங்க அப்பாவுக்கு ரொம்ப நாளைக்கு பிறகு தன்னோட சொந்தங்களை பார்த்த சந்தோஷம், அதனால் தனக்கு பொண்டாட்டி பொண்ணு இருப்பது கூட மறந்து போய் உங்க அப்பன் எப்படி பல்லை காட்டி பேசிக்கிட்டு இருக்காரூ பாரு..
அது தான் டீ உங்க அப்பாவோட முறை பொண்ணு, எல்லாம் என் நேரம்... எங்க அப்பனை சொல்லணும்.. வீட்டு திண்ணையில் உட்கார்ந்து ஊருக்கே உபதேசம் பண்ணிட்டு. கவர்மென்ட் மாப்பிள்ளை என்றவுடன் என்னை உங்க அப்பனுக்கு கட்டி வைச்சாரே..
இப்போ உனக்கு என்னம்மா குறைஞ்சல், உன்னை ராணி மாதிரி தானே வைச்சிருக்கார். உன் அக்கா தங்கச்சி வீட்டில் கூட அவங்க தான் இன்னும் பத்து பாத்திரம் கழுவுறாங்க.
உனக்கு நான் பிறந்த அப்போ இருந்து வீட்டு வேலை செய்ய வேலைகாரி.இன்னிக்கு வரைக்கும் நீ ஏதாவது பாத்திரம் கழுவி.வீடு சுத்தம் பண்ணி நான் பார்த்தே இல்ல.
யம்மா தாயே உன் திருவாயை மூடு..உங்க அப்பனை விட சிறந்தவன் ஒருத்தனுமே இல்லை போதுமாடீ..
நீ கோபத்தில் சொன்னாலும் அது தான் உண்மை..வேக வேகமாக வந்த கேசவன் சொன்னான்.. ஏய் விஜயா நான் சொல்லுவேனே என்னோட அத்தை பொண்ணு ஆஸ்திரேலியாவில் இருக்கான்னு..
வந்திருக்காங்க ஓர் நிமிஷம் வாயேன் அவங்க குடும்பத்தோட நிக்கிறாங்க என்றே சந்தோஷமாக சொன்னான்..
ஏதோ கல்யாண மண்டபத்தில் சேர் இல்லாத மாதிரி பேசுறீங்க... அவங்க நின்னா எனக்கு என்னவாம்... என்னால் நடக்க முடியலை.வேணுன்னா அவங்களை வந்து என்னை பார்க்க சொல்லுங்க.அந்த சீமை மகாராணியை பார்க்கணும்னு எனக்கு என்ன தலையெழுத்தா.
அம்மா நீ வாயை வைச்சுகிட்டு சும்மா இரு.. இன்னிக்கு சண்டை இழுக்காதே.
இதே அப்படியே உங்க அப்பனுக்கு மண்டையில் உறைக்கிற மாதிரி சொல்லுடீ... இதுக்கு தான் நான் உங்க சொந்தகாரங்க வீட்டுக்கே வருவதில்லை
உங்க குடும்பமே பிச்சைகார குடும்பம் தானே ஏதோ உங்க குடும்பத்துக்கு அதிர்ஷ்டம் நிறையவே இருக்கு போலே அதான் எல்லாருக்கும் கவர்மென்ட் வேவை கிடைச்சது.
தள்ளி நின்றவர்களிடம் நீங்க கிளம்புங்க என்றே சைகை செய்தான்.
பாருடி உங்க அப்பனை தன் ex-lover -க்கு சிக்னல் கொடுக்கிறாரூ..
ஏன்டீ இப்படி படுத்துறே.நான் அவளை காதலிக்கவே இல்லை.. எனக்கு உன் மேல தான் லவ் போதுமா..
ஆமாம் நம்பிட்டேன்.. போகும் போது அந்த நகை கடைக்கு போகணும் ஓர் புது டிசைன் வந்திருக்கு என்று மேனேஜர் போன் போட்டாரூ.. நான் கெஞ்சி கேட்டதால் அதை யாருக்கும் கொடுக்காம எனக்காகவே விற்பனை பண்ணாம இருக்காரூ தெரியுமா.
சரிம்மா என்றான்..
யம்மா நீ என்ன லூசா.. ஓவ்வொரு மாசமும் இப்படியா பைத்தியம் மாதிரி ஓவ்வொரு நகையா வாங்குவே..உனங்கென்னடீ என் புருஷனே வாயை மூடிக்கிட்டு கிடக்காரூ நீ என்னமோ துள்ளுறே.. என்னங்க உங்க பொண்ணை கொஞ்சம் அடக்கி வையுங்க ரொம்ப பேசுறா என்னும் போதே அவர்கள் பக்கத்தில் வந்து இருந்தனர்
சிரமப்பட்டு எழுந்திருக்க சிரம்படுவது போல் பாவலா செய்த விஜயா..அக்கா நீங்க கஷ்டப்பட வேண்டாம் நீங்க உட்கார்ந்தே இருங்க..
நான் தான் உங்க வீட்டுக்காரோட அத்தை பொண்ணு என்ற வித்யா...
நான் தான் உங்க முறைபையனோட பொண்டாட்டி என்று பதிலுக்கு சூடாக பதில் சொன்ன விஜயா..
ஆமா நீங்க தானே நாலு வருஷமா இப்போ ஆஸ்திரேலியாவில் இருக்கீங்க..
ஆமாம் ஓரே பையன் அவனுக்கு அங்கே வேலை கிடைச்சதும் அங்கேயே போயிட்டோம்..
ஆமாம் உங்களோட தென்னந்தோப்பு பங்களா எல்லாம் ஊரில் இருந்துச்சே அதை வித்தாச்சா என அக்கறையா கேட்ட விஜயா.
ஓ..அதுவா பையன் அதெல்லாம் இனி நமக்கு எதுக்குன்னு தங்கச்சி பெயருக்கே எழுதி வைச்சுட்டான்..
ஓரே பையன்னு சொன்னீங்க.. ஆமாம் ஓர் பொண்ணு ஓர் பையன் .
நீங்க சென்னையில் எங்க வேலை பார்த்தீங்க..
தலைமை செயலகத்தில் வேலை பார்த்தேன்... அப்படின்னா நீங்க கலெக்டரா என்ற கேள்வியில் அவளுக்கு வீட்டை தவிர எதுவுமே தெரியாது என்ற வெகுளித்தனத்தை உணர்ந்தவன்.
நான் சேரும் போதே கலெக்டரா தான் சேர்த்தேன்.
பிறகு எதுக்கு அதை விட்டு விட்டு சென்னை போனீங்களாம்.
பக்கத்தில் இருந்த கேசவன் கண் சாடை செய்தான் இவளுக்கு அவ்வளவா படிப்பு கிடையாது வெறும் 8-ம் கிளாஸ்..
புரிந்து கொண்டவள்.. நான் உங்க பக்கத்தில் உட்காரலாம என்றதும்..
கொஞ்சம் தள்ளியே உட்காருங்க நீங்க பக்கத்தில் உட்கார்ந்தா எனக்கு மூச்சை மூட்டும் என்றது அவளின் மனதில் இருந்த அழுக்கும்.. எப்படித்தான் இந்த ராட்சசியை இவன் சமாளிக்கிறானோ என்று கேள்வியும் மனதில் வந்தது.
நீங்க தான் ரிடையர் ஆயிட்டீங்களே உங்களுக்கும் கவர்மென்ட் பென்ஷன் வரும் தானே.. ஆமாம் மாசம் எவ்வளவு வரும் என்றே ஆசை பொங்க கேட்டாள்.
எல்லாம் போக ஓன்றை லட்சம் வருது..
அப்போது நீங்களும் மாதாமாதம் வந்து பென்ஷன் எடுத்திட்டு போவீங்களா..
நாங்க இரண்டு வருஷத்துக்கு ஓர் தடவை தான் இந்தியா வருவோம்..எல்லோமே பேங்க் அக்கவுண்ட்-ல் இருக்கும்
அப்போது அதை ஆஸ்திரேலியாவில் எடுக்க முடியாதா..
இப்போ தான் online banking வந்துடுச்சே.. அங்கேயே எடுக்கலாம் ஆனால் பையன் உங்க பென்ஷன் பணத்தை எல்லாம் தங்கச்சிக்கும் உங்க செலவுக்கும் வைச்சுக்கோங்க என்று சொல்லிட்டான்
வாசலில் யாரோ ஒர் வயதான பெண்மணியும் வயதான வரும் மெதுவாக அந்த பெண்மணி கழுத்தில் நிறையவே நகை அணிந்தபடி வந்து கொண்டிருந்தாள்..
உடனே விஜயா என்னங்க எங்க சித்தி வாறாங்க பாருங்க என்றே சிறு குழந்தை போல் எழுந்து ஓடினாள்.
அதை கண்டவள் அவனிடம் ஏதோ கேட்க முயலும் போது.. நான் போய் அவங்களை பார்த்திட்டு வருகிறேன் நீங்க பேசிக்கிட்டு இருங்க என்றேன் வேகமாக தப்பித்து சென்றான்.
ஆமாம் பாப்பா உன் பெயர் தானே.. விஷ்ணு துர்க்கா.
ஆமாம் அன்ட்டி என்றாள்.
அவளோ ஆன்டி இல்லம்மா உனக்கு நான் சித்தி என்றே தனது பாசத்தை விதைத்தாள்..
நீ தானே ஜர்னலிசம்ஸ படிச்சது.. உன் மனசுல இருப்பதை யாருக்கும் பயப்படாம எழுது புவனா.. ஏதாவது பொலிடிகல் பிரஸர் வந்தா என்கிட்ட சொல்லு நான் பார்த்துக்கிறேன் என்ற புவனேஸ்வரி.
ஆமாம் உங்க அம்மாவுக்கு ஏதோ நடக்க முடியாதுன்னு கேசவன் சொன்னாரூ ஆனா உங்க அம்மா இவ்வளவு நல்ல நடக்குறாக்களே பிறகு ஏன் அப்படி சொன்னாரூ
ஏன்னா எங்க அம்மாவுக்கு எங்க அப்பா வழி ஆளுங்க என்றாலே ஆகாது
இதுவே உங்க கழுத்தில் ஐம்பது பவுன் கிடந்தா.. உங்க பக்கத்தில் உட்கார்ந்து சாப்பிடுவாங்க சிரிச்சு சிரிச்சு பேசுவாங்க. சரியா பணப்பேய்... நகை பைத்தியம்.
என்ன விஷ்ணு துர்க்கா உங்க அம்மாவையே இப்படி பேசுறே தப்பில்லையா.
இதுல என்ன தப்பு இருக்கு, இருக்கறதை தானே சொல்லுறேன்.
நீயும் உங்க அப்பா மாதிரியே தான் போல மனசுல இருப்பதை அப்படியே பேசுறே
ஆமாம் நான் ஓண்ணு கேட்டா நீங்க மறைக்காம எனக்கும் பதில் சொல்லுவீங்களா...
நீ எதை வேணாலும் கேளூ ..
எங்க அப்பா இதுவரையில் என்கிட்ட எதையும் மறைச்சது இல்லை தான் ஆனாலும் எல்லா மனிதனின் மனதலும் ஏதோ ஒரு சொல்லைப்படாத ரகசியம் இருக்கும் என்று சைக்காலஜி படிக்கும் போது தெரிஞ்சுகிட்டேன்
உங்க அப்பா பத்திய ஏதாவது ஓர் ரகசியத்தை நீ தெரிஞ்சுக்கணும் அப்படித்தானே...
நீங்க ரொம்ப புத்திசாலி உடனே உங்களால் இப்படி பேச முடியுது..
சரி உங்க அப்பாவுக்கு நான் முறைப்பொண்ணு தான். ஆனால் உங்க அப்பா என்னை எப்போதும் எந்த தவறான எண்ணத்துடனோ தவறாக கூட பேசவில்லை.. இன்னும் சொல்லப்போனால் என்னை தன்னோட உடன் பிறந்த தங்கச்சி போலவே தான் பாரத்தாரூ.. ஆனால் என் கூட படிச்ச ஓர் பொண்ணை அவர் ரொம்பவே காதலிச்சார்.. அந்த பொண்ணும் கூட உங்க அப்பாவை ரொம்பவே விரும்பினா.. பக்கத்தில் அவளின் அப்பாவும் அம்மாவும் வருவதை கண்டதும்.. பேச்சை நிறுத்தினர்.
கல்யாண வீட்டிற்கு போய் விட்டு வீட்டுக்கு வரும் போது இரவு ரொம்ப நேரம் ஆகிவிட்டது. அனைவருமே களைப்பில் உறங்கிப் போயினர்
மறுநாள் காலையில் வராண்டாவில் அமர்ந்தது பேப்பர் படித்து கொண்டு இருந்த அப்பாவிடம் மெல்ல பேச்சு கொடுத்தவள்.
அப்பா நீங்க சின்ன வயசுல யாரையாவது காதலிச்சு இருக்கீங்களா என்றதும்..
தன்னையும் அறியாமல் தூரத்தில் உள்ள எதையோ பாரப்பதை போல் பாவனை செய்தவரின் கண்கள் கலங்கியது.
சில நொடிகளில் தன்னை மீறி வந்த பழைய நினைவுகளை சற்றே புறந்தள்ளி விட்டு . பாப்பா அப்படியெல்லாம் ஒண்ணுமே கிடையாது நீயா ஏதாவது கற்பனை பண்ணிக்கிட்டு கவலைபடாதே என்றார் கேசவன்.
நீங்க யாரையுமே காதலிக்கலைன்னா எதுக்குப்பா உங்க கண் கலங்குச்சு
கண்ணில் சிறு தூசி விழுந்ததுட்டு என்றே கண்களை துடைந்தார்..
அப்பா நான் உங்க பொண்ணு உங்களைமுகபாவனை நல்லாவே தெரியும் என்கிட்ட பொய் சொல்லாதீங்கப்பா...
தனது மகளை தோளில் சாய்ந்து அவளின் கன்னத்தில் முத்தமிட்டார்.
பாப்பா இந்த உலகில் எல்லா ஆண் மனதில் ஏதோவொரு முதல் காதல் இருக்கும்.
சிலருக்கு இரண்டு மூன்று காதல் கூட இருக்கலாம்.ஆனால் சந்தர்ப்ப சூழ்நிலை மற்றும் வாழ்க்கை பற்றி பயத்தின் காரணமா. ஏதோ ஓர் பொண்ணை கட்டிகிட்டு வாழுறாங்க.
இன்னும் உண்மையை சொல்லப் போனால். இங்கே பல பேர் தன்னோட சொந்தக்காரங்க நண்பர்கள் கூட வேலை பார்த்தவங்க வீட்டில் நடக்கும் கல்யாண வீட்டிற்கு போலவே தன்னோட பழைய காதலி அந்த கல்யாவீட்டுக்கு வந்தா நேரில் பார்த்து இரண்டு வார்த்தையாவது பேசலாமே என்ற எண்ணத்தில் தான். ஆனால் அந்த இருவருக்குமான அன்பு... நீங்க எங்கே இருந்தாலும் நல்லா இருக்கும் என்று நினைக்கும் ஓர் வயதான மனிதரின் அன்பை போன்றதே.
அப்பா உங்க காதலியை நீங்க பார்த்து இருக்கீங்களா.. என்றதும்
அந்த பொண்ணு இப்போ பேரன் பேத்தி கூட இருக்காங்க சிரித்தபடியே சொன்னார்.
அப்பா நான் கேட்ட கேள்விக்கு நீங்க இன்னும் பதிலே சொல்லலையே.
அவ்வளவு ஏன் நேத்து நடந்த கல்யாண வீட்டிற்கு கூட அவள் வந்திருந்தா.
நானும் அவளும் பேசிக்கிட்டோம் போதுமா என்ற போதும் அவரின் முகத்தில் வெட்கமும் காதலும் தெரிந்தது.
அப்பா இந்த விஷயம் அம்மாவுக்கு தெரியுமா என்றதும். அந்த நகை பைத்தியத்துக்கு நகை வாங்கணும் நல்லா ஹோட்டலில் போய் சாப்பிடணும் ஊர் சுத்தணும் இதை தவிர வேற எதுவுமே தெரியாது.
பொண்டாட்டி ஊருக்கு போய் இரண்டு நாள் கூட ஆகவை அதுக்குள்ள. இப்படியா ஆகணும்.
ஹோட்டலில் போய் சாப்பிட்டு ஒண்ணுமே நல்லாவே இல்லை..ஓரே மசாலா பொடி அல்லது ஓரே எண்ணெயா இருக்கும் என்ன செய்யுறது என்று சாப்பிட்டு தொலைச்சது இப்போ காய்ச்சலில் வந்து நிக்குது
தனக்கு அவரோ புரியாமல் தவித்தார்.. எல்லாம் இந்த பொண்டாட்டியால் வந்த வினை ஏதோ இருபது நாள் வட இந்தியசுற்றுலா ஆன்மீக போறேன்னு சொல்லிட்டு. தன்னோட தங்கச்சி குடும்பத்தோடபோயிருக்கா...சாமி கூம்பிட போயிட்டா..இர்ணடாவது நாளே இப்படியா காய்ச்சல் வந்து படுத்தணும்
நல்ல வேளையாக மகள் வந்தது நல்லதா போச்சு இல்லைன்னா என்னவாயிருக்கும்...
டாக்டர் நர்சிங் ஹோமில் வரவேற்பு அறை சுவரில் மிளிர்ந்தது.... ஓர் சிறு ஓவியம்
அதில் வயதான ஓர் தாத்தாவை தாங்கிய படி நடந்து செல்லும் ஓர் இளம் பெண்.
கீழே ஓர் வாசகம்.... வயதான அப்பாவை குழந்தை போல் கவனிக்கும் மகள் வாழ்வின் வரம்
ஏதோ சிந்தனையில் இருந்தவரை டாக்டரின் பேச்சு இந்த உலகத்திற்கு இழுத்து வந்தது..
வயதான தன் அப்பாவிற்கு வலிக்க கூடாதே என்று.. டாக்டர் அவருக்கு ஊசி வேண்டாம் டானிக் மாத்திரம் எழுதி கொடுங்க என்ற மகள்.. ரொம்ப தேங்க்ஸ் பாப்பா என்ற தகப்பன்... தாத்தா நான் ஊசி போட்டா வலிக்காது என்றவுடன் மீண்டும் விழித்த வயதானவர்.. மெல்லிய புன்னகையுடன் மெடிக்கல் ரசீது எழுதி கொடுத்தபடியே... நான் சும்மா சொன்னேன்.. நீங்க எந்த ஜென்மத்துல செஞ்சு புண்ணியமோ உங்களுக்கு மகளா வந்து பிறந்திருக்கா என்ற டாக்டர்
அப்பா நான் தான் சொன்னேனே இவங்க டாக்டர் விமலா என் கூட 12 வரைபடம் ஓண்ணா படிங்சவ... என்னோட பெஸ்ட் பிரண்ட் நான் எது சொன்னாலும் கேட்டுப்பாங்க
அப்ப
.. அவரின் சட்டை பிடித்த இழுத்து.. அவருக்கு அடுத்து இருந்த ஓர் பத்து வயசு பாலகன்.
தாத்தா நீங்களும் என்னை மாதிரியே தான் போல தெரியுதே.
என்னடா சொல்லுறே எரிச்சல் கலந்த கண்டிப்பான குரலில் கேட்டார்..
தாத்தா சத்தமா பேசாதீங்க பிறகு நீங்க தைரியசாலின்னு நினைச்சு டாக்டர் ஊசிய குத்திட போறாரூ என்றே வயிற்றில் புளியை கரைத்தான்..
ஏதோ உங்க பொண்ணு வந்து சொன்னதால் நீங்க தப்பிச்சு இருக்கீங்க.. இந்த டாக்டர் யார் வந்தாலும் ஊசி தான் குத்துவாங்க அது இரண்டு ஊசியா என்று ஏதோ தினமும் நர்சிங் ஹோம் வந்து போவது போல் பேசினான்...
உனக்கு எப்படிடா இந்த விஷயமெல்லாம் தெரியும் என்றதும்.. இந்த நர்சிங் ஹோம் பத்தி எல்லாமும் எனக்கு தெரியும் என்றே வாய் சவடால் செய்தான்.
அது எப்படி தம்பி உனக்கு தெரியும் என அவர் கேட்ட போது டாக்டர் அவனை கூப்பிட்டார்...
டேய் ராகுல் எத்தனை தடவைகள் உன்கிட்ட சொல்லி இருக்கேன்..நோயாளி என்னை பார்க்க வந்தா அவங்க மத்தியில் நீயும் ஓர் நோயாளி மாதிரி வேஷம் போட்டுகிட்டு இருக்கே..
அம்மா.. என்னோட அருமை தாத்தா அதான் உன்னோட பாசக்கார அப்பா என்கிட்ட சொல்லிட்டு தானே இரண்டு வருஷம் மாமா வீட்டுக்கு போனார்..நீ நல்லா ஆஸ்பத்திரியை நடத்துறீயான்னு என்னை கவனிச்சுக்க சொல்லி இருக்காரே...
டாக்டர் அவனை அந்த தாத்தாவுக்கு அவரின் மகளுக்கும் அறிமுகம் செய்து வைத்தார்.இவன் தான் என்னோட செல்ல பையன்... தாத்தா உங்களுக்கு ஓண்ணு தெரியுமா எங்க அம்மாவுக்கும் ஊசின்னா பயம் என்றதும் அனைவருமே சேர்ந்தே சிரித்தனர்.
தாத்தா நீங்க ரொம்பவே லக்கி
ஓர் வீட்டுல காதல் திருமணம் செய்த மனைவி தன் கணவன் கிட்ட கேட்டாங்க.. என்னங்க நமக்கு கல்யாணம் ஆன தேதி கிழமை வருஷம் இதெல்லாம் உங்களுக்கு நினைவு இருக்கான்னு... அதுக்கு அவங்க கணவன் உடனே நீதான் நாம பட்ட கஷ்டத்தை அடிக்கடி நினைச்சு பார்க்க கூடாதுன்னு சொல்லு வீரே அப்படின்னு யதார்த்தமான சொல்லிட்டாரூ.... அதுக்கு அப்புறம் என்ன நடந்துச்சா... இரண்டே option தான் அவங்க காதல் மனைவி சொன்னாங்க.. இந்த பதிலுக்கு பிராயச்சித்தமா Lalitha Jewellery -20 பவுன் நகை வாங்கித் தரணும் இல்லாட்டி... நாம உங்க அம்மாவ உடனே முதியோர் இல்லத்தில் போய் பார்த்து ஆசிர்வாதம் வாங்கணும் சண்டை போடணும்...
பிறகென்ன சில லட்சங்கள் தங்கத்தை வாங்கிட்டு வந்தா....
உடனே அவங்க பக்கத்து வீட்டில் போய் அக்கா பார்த்தீங்களா.. நான் எவ்வளவோ சொன்னேன் ஆனா என் வீட்டுக்காரர் தான் கட்டாயபடுத்தி. காசு கையில் இருந்தா உடனே செலவு வந்து காலியா போயிடும்ன்னு..இந்த 20 பவுன் நகையை வாங்கிட்டாரூ .
இதை உண்மைன்னு நம்பி... நகையை காட்டி பெருமை பேசின வீட்டில் எல்லாம் நகை வாங்க கிளம்பிட்டாங்க.
அட இப்படித்தான் பல வீடுகளில் தங்க நகை நிறைய சேருது போல்..
ஹலோ..ஹலோ நீங்க படிச்ச கதை முழுக்க முழுக்க கற்பனையே...கவலை மறந்து சிரிக்க மட்டுமே..
இதை நீங்க உண்மைன்னு நம்பிடாதீங்க...
பெண்களுக்கு சுதந்திரம்
வேண்டும்..பெண்களை
முன்னேற்ற வேண்டும்..
இன்னும் எத்தனை எத்தனையோ
வார்த்தை ஜாலங்களில்
பெண்கள் ஏதோ அடிமையாகவே
இருப்பது போல் வாய்ப்பந்தல்
போட்டு பேசும் அந்த கட்சியின்
தலைவர்..ஏனோ இதுவரையில்
தனது வீட்டு பெண்களுக்கு தனது
கட்சியின் மேடையிலேயே
கொடுக்காமல் செய்கிறார்
சர்வாதிகாரம்..
செல்ல மகளின்
அபரிமிதமான
அன்பையும் செல்லமான
கோபத்தையும் தாங்கும்
அவளின் பாசத்துகுரிய
அப்பா ஓருவரே
ஊரும் உறவும்
சொந்தமும் பந்தமும்...
உங்க சம்பளம் எவ்வளவு
இருக்குமென்றே அடிக்கடி
நச்சரிக்கும் கேள்வியை
கேட்டே எரிச்சலை ஏற்படுத்தும்..
ஆனால் அப்பாவின் பணத்தை விடவும்
மேலான அன்பையும் பாசத்தையும் மட்டுமே
எதிர்பார்த்து காத்திருக்கும் அன்பு மகளும்...
அதிகாரத்தில் அப்பனையும் மிஞ்சிவிட துடிக்கும்..
பாசமான மகனும்
இப்போ நிறைய பேர் #பெரியார் #கொள்கை அப்படின்னு மேடையில் சொல்லுறாங்க.
ஓர் நாள் அந்த கிராமத்தில் இருந்த கிளினிக் 65 - வயசு தாத்தா. தன் மனைவியை அழைத்து கொண்டு வந்திருந்தார்..டாக்டர் அவங்களை செக் பண்ணி ரிப்போர்ட் எடுத்திட்டு வரச் சொன்னார்.
டெஸ்ட் எல்லாம் எடுத்து முடித்த சில மணி நேரங்களுக்கு பிறகு, நர்ஸ் வந்து சொன்னாங்க... தாத்தா உங்களை மட்டும் டாக்டர் உள்ளே வரச்சொன்னார்.
பாட்டி நீங்க பயப்படாம உட்கார்ந்து இருங்க. டாக்டர் எல்லா விஷயத்தையும் உங்க வீட்டுக்காரர் கிட்ட சொல்லிடுவார்.
உங்களுக்கு பயப்படுற மாதிரி எந்த நோயும் இல்லை சரியா..
டாக்டர் அந்த தாத்தாவிடம் சொன்னார்.
என்னை மன்னிச்சிடுங்க தாத்தா.ஆனா இந்த உண்மையை நீங்க எப்படி தாங்கிக் போறீங்கன்னு தான் தெரியலை..
டாக்டர் நீங்க எதுவாக இருந்தாலும் தயங்காம சொல்லுங்க. எனக்கு என்னோட பொண்டாட்டி தான் முக்கியம் பணம் சொத்து காசு எல்லாம் அப்புறம் தான்...
சரி...நீங்களே தைரியமாக இருக்கும் போது எனக்கென்ன. நான் என்ன கதையா சொல்லப் போறேன். வந்ந ரிப்போர்ட்-க்கு ஜோசியர் கட்டத்தை பார்த்து பலன் சொல்லுற மாதிரி.
அதுலே என்ன இருக்கோ அதை தானே சொல்லப்போறேன்...
உங்க மனைவி, அதான் அந்த பாட்டியால். இனிமே ரொம்ப கத்தி பேச முடியாது.... வேகமாக நடக்கவும் முடியாது...கனமான எந்த பொருளையும் தூக்க முடியாது.. அப்புறம் முக்கியமான அவங்க மனசுக்கு அதிர்ச்சி தரும் எந்த விஷயமும் சொல்லக்கூடாது என்று டாக்டர் சொன்னார் .
அப்படி சொன்னா என்னவாகும் டாக்டர்...
அவங்க உடலில் முதுமை காரணமாக பல நோய்கள் இருக்கு.அதனால் நீங்க சொல்லுற விஷயம் அவங்க மனசை ரொம்பவே பாதிக்கும்..பிறகு பிரஸர் சுகர் என்று ஏறும்
பிறகு... கிளினிக் விட்டு வெளியே வந்தவுடனே தனது மனைவிக்கிட்ட சொன்னாரூ... நான் ரொம்ப நாளா உன்கிட்ட ஓர் விஷயத்தை சொல்லாம மறைச்சிட்டேன் அதை இப்பவே சொல்லியாகணும்...சரி.சொல்லுங்க....உங்க அறிவு கெட்ட சித்தப்பன்.இருக்கானே அந்த கேடு கேட்ட முட்டாள்..
ஓர் நாள் அவன் என்னை சந்தையில் பார்த்து சொன்னான்..போன வாரம் விசாகப்பட்டினத்தில் இருந்து ஓருத்தங்க வந்து உன்னை பொண்ணு பார்த்து போயிட்டாங்க..
அதனால் நீங்க தைரியமா உங்க அம்மாவை கூட்டிட்டு வந்து அக்காவை பொண்ணு கேளூங்க.. உடனே நான் பக்கத்தில் இருந்து, நம்ம சொந்தம் விட்டு போககூடாது. அப்படி இப்படின்னு ஏதாவது நாலு வார்த்தை பேசி எனக்கு கல்யாணம் பண்ணி வைக்கிறதா தான் பேசினான்.
அதை நம்பி பொண்ணு பார்க்க வந்த பிறகு தானே தெரியுது...... உன் தங்கச்சிய நிச்சயம் பண்ண ரெடியா வாங்கன்னு சொல்லி பொண்ணு பார்க்க கூட்டிக் கொண்டு வந்தாரூ..அங்கே வந்த பிறகு தான் தெரியும் ... வேகமாக ஓடி வந்த நர்ஸ் சொன்னாங்க... தாத்தா எங்களை மன்னித்து விடுங்க.ரிப்போர்ட் மாறிப்போச்சு என வாங்கிச் சென்றாள்..ச்சே ரிப்போர்ட் கூடவா மாறிப் போச்சு என சொல்லிவிட்டு பக்கத்தில் பார்த்தான
கட்சியில் சேரும் எல்லாரும் முதல்வர் ஆகணும் நாட்டுக்கு சேவை செய்யணும் என்று நினைப்பது தவறா...ஏன்னா , தலைவா வாழ்க..அண்ணே வாழ்க... தம்பி நீங்க கட்சியில் நல்ல நிலைக்கு வளரணும் என்று உதட்டில் பேசும் எல்லா மனிதருக்கும் உள்ளத்தில் முதல்வர் ஆகணும் என்று ஆசை இருக்கு..எந்த நேரத்தில் எவன் எப்படி ஆட்சியை கவிழ்ப்பான் என்பதை யாராலும் யூகிக்க முடியாது.
ஓர் வேளை முதல்வர் பதவியில் இருப்பவரை இறக்கிவிட்டு இன்னொரு நபர் அதில் அமர நினைத்தால், அதை ஓர் நடுநிலையுடன் செயல்படும் பத்திரிகையாளன் மட்டுமே பேசுவார்.
நடுநிலையுடன்
செயல்படும் #அரசியல்விமர்சகரை நீங்கள் சிறையில்
அடைத்தால், யாரும் அவரை ஆதரிக்க மாட்டார்கள்
தான்.
உங்கள் அரசாங்கத்திற்கு
எதிராகவும் பேசமாட்டார்கள் தான். ஆனால் அது உங்கள் அரசியல் வாழ்க்கையில் என்றென்றும்
ஒரு பெரிய தவறாக இருக்கும்.
உங்கள் அரசு வீழ்ச்சியடையும்
போது, உங்கள் நண்பர்கள் என்று அழைக்கப்படுபவர்கள் உங்களது கடந்த கால தவறுகளை மட்டுமே
குறை கூறுவார்கள்.
தனது மரபை நீண்ட
காலத்திற்கு எடுத்துச் செல்ல விருப்பமுள்ள ஒரு தலைவர் ஒருபோதும் அவசரமா முடிவெடுங்க
மாட்டார்கள், அரசியல்விமர்சகரை நீங்கள் சிறையில் தள்ளமாட்டார்.
அதற்கு பதிலாக
அரசு தனது நிர்வாகத்தை மிகச் சிறந்த முறையில் நிர்வகிப்பார், மக்களின் ஆதரவைப் பெற
அப்படிச் செய்தால்,
அவரை விமர்சித்தவர் உங்கள் செயலுக்காக உங்களைப் பாராட்டுவார்.
தங்கள் எண்ணங்களையும்
கருத்துக்களையும் எழுதுபவர்கள் உங்கள் எதிரிகள் அல்ல. அவர்கள் உங்கள் சிறந்த நண்பர்கள்
என்று நினைத்துப் பாருங்கள்.
உங்கள் அரசாங்கத்தில்
நீங்கள் எந்த அரசியல் பதவியை வழங்கினாலும், அவர்கள் அதை ஏற்றுக்கொள்ள மாட்டார்கள்.
காரணம், அவர்கள் நாற்காலிகள் மற்றும் அதிகாரத்தைத் தேடி அல்ல, உண்மையை எழுதத் தயாராக இருக்கிறார்கள்
உங்க ஆட்சி சூப்பர்.நீங்க தான் அடுத்த முதல்வர் என்று உண்மையை மறைத்து விட்டு முகத்திற்கு நேராக புகழ்பவர்களை ஆட்சியில் இருப்பவர்கள் நம்புவதும் என்றுமே ஆபத்தானது.
ஓர் சிறந்த ஆட்சியாளன் தனக்கு எதிராக பேசும் தனிமனிதனோ அமைப்போ அவனோ அவளோ எதற்காக அப்படி பேசுகிறார்கள் அவர்களின் நோக்கம் என்ன.
நம்மிடம் இருக்கும் தவறுகளை சுட்டிக் காட்டுகிறாரா அல்லது வேண்டுமென்றே மீண்டும் மீண்டும் பேசுகிறாரா என்பதை ஆராய்லார்.
ராஜாஜி.காமராஜர்...அண்ணாதுரை....எம்.ஜி.ஆர்...கருணாநிதி..ஜெயலலிதா...
இவர்கள் எல்லாம் தனக்கு எதிராக பேசிய எழுதிய ஊடகங்களை முடக்கவில்லை. மாறாக எதிராக பேசிய ஊடகங்களே அவர்களை புகழும் படி அரசாட்சி செய்தனர்.
இதுவே சரித்திரம். சிறந்த ஆட்சியை தந்த காமராஜர் தோற்றார் என்பதை மட்டுமே இன்றளவும் பேசி மக்கள் சிறந்தவர்களை புறக்கணித்து விட்டதாக எழுதும் ஊடகங்கள்
ஆனால் காமராஜர் பேசிய வார்த்தைகளை சரித்திரம் பாதுகாத்து வைத்தது. மக்கள் என்னை தோற்கடிச்சுட்டாங்கன்னு சொல்லாதீங்கடே.. நாம் இத்தனை வருஷமா எந்த ஜனநாயகத்தை நிலை நிறுத்த போராடினமோ.அந்த ஜனநாயகம் வெற்றி பெற்றது என்றார்
மேலும் மக்கள் பணியை ஆட்சியில் இல்லாமலும் செய்யலாம் முன்பு அப்படித்தானே வெள்ளைக்காரன் காலத்தில் செய்தோம் என்ற மிக நுண்ணிய அரசியல் தெளிவை காட்டினார்.
எனவே தான் இன்றும் அவரை மக்கள் புகழ் கின்றனர்
அரசியல் விமர்சகம் என்பது கூட ஓர் சினிமா விமர்சனம் போன்றதே.
ஓர் நல்ல படத்தை மோசமானது என்று சினிமா விமர்சனம் செய்த பிறகும் வெள்ளி விழா கண்ட திரைப்படங்கள் எத்தனையோ.. சிறந்த படம் இதை எத்தனை தடவை வேண்டுமென்றால் பார்க்கலாம் வரலாற்று பொக்கிஷம் இந்த படம் என்ற விமர்சனம் செய்த படங்கள் கூட பத்தாவது நாளில் பெட்டியில் சுருண்டது.
ஆனால் முதல் தோல்வியில் பாடம் கற்று பிழைத்த பலர் எதிர்காலத்தில் சூப்பர் ஹிட் கொடுத்ததும் வரலாறு
ஓர் சிறந்த அரசியல் விமர்சகனுக்கு, அரசியலை சரியான தரவுகள் மற்றும் துல்லியமான அலசலுடன், அரசியலை விமர்சனம் செய்யவேண்டும் என்ற ஓர் சாதாரண எண்ணம் மட்டுமே உள்ளது...
ஓர் வேளை ஆட்சி அதிகாரத்தில் இருப்பவர்கள், துணிச்சலுடன் அரசை விமர்சனம் செய்யும் ஓர் நடுநிலையான விமர்சனை கைது சிறை தண்டனை என்று முடக்கி போட நினைக்கலாம்.
உலகம் தோன்றியது முதற்கொண்டு அரசு பதவியில் நீண்ட நெடிய காலம் இருக்க வேண்டும் என்றும். எதிரிகள் யாருமே தனக்கு எதிராக எதுவும் பேசி விடக்கூடாது, என்றே எதிர்த்து பேசியவர்களை அடக்கிய நிகழ்வுகள்.
சரித்திரத்தின் ஏடுகளை புரட்டிப் பார்த்தால் அப்படிப்பட்ட நிகழ்வுகள் எல்லா நாடுகளிலும் எல்லா இடத்திலும் பரவிக் கிடக்கிறது.
பிரெஞ்சு மன்னர் ஆட்சி ஏன் வீழ்ந்தது என்பதை அறிந்த புத்திசாலி வியாபாரிகள் கண்டுபிடித்த யுக்தியே ஜனநாயகம் என்ற அமைப்பு.
ஊடகங்களையோ அல்லது எழுத்தாளர்களையோ கட்டுப்படுத்த உங்கள் படைகளைப் பயன்படுத்த வேண்டாம், அவர்கள் ஒரு சாதாரண மனிதராக தங்கள் கடமையைச் செய்கிறார்கள்.
ஜனநாயகத்தின் நான்கு தூண்களில் மிக முக்கியமானது பத்திரிகை துறை
காங்கிரஸ் என்ற கட்சி எதற்காக உருவாக்கப்பட்டது இந்திய சுதந்திரம் அடைவதற்கு முன்னர் இந்திய பிரதிநிதிகள் பாராளுமன்றத்தில் பேசிய பேச்சுக்கள் எல்லாம் வரலாற்று சாட்சியங்கள்.
உலகையே அடக்கியாள நினைத்த இங்கிலாந்து அரசாட்சி இந்தியாவில் ஜனநாயகம் தளைக்க ஓருவர் விதையிட்ட போது அதை அழித்து விட நினைக்கவில்லை
மாறாக ஜனநாயகம் தளைக்க எதிர்கட்சியோ, அரசின் தவறுகளை சுட்டிக் காட்டி மக்களின் உணர்வுகளை அரசு செய்வர்களுக்கு எடுத்துரைக்க ஓரே ஓர் மக்கள் பிரதிநிதி மட்டும் போதாது என்றே பல கட்சிகள் தங்களின் கருத்துக்களை ஜனநாயக ரீதியில் சொல்லும் போது அதை ஆதரிக்கவே செய்தனர்.
மக்களுக்காக பேசும் பத்திரிகையாளரோ மக்கள் பிரதிநிதியோ தங்களின் கருத்துகளை சொல்ல இயலாமல் முடக்கப்பட்டால்.
அந்த பத்திரிக்கையாளர் இழப்பது அவரின் வாழ்வாதாரத்தை மட்டும்.. ஆனால் ஆட்சியாளர்களுக்கு அவர்களின் பல வருடங்களாக கட்டிக் காப்பாறிய கட்சி கரைத்தால் அதை மீண்டும் எழுப்ப இயலாமல் போய் விடும்.
ஜெயலலிதா அவர்களின் ஆட்சி 1996-ம் மாபெரும் படுதோல்வியை சந்தித்தது உண்மை தான்.ஆனால் அவரை ஆட்சியில் இருந்த இறக்கிய பிறகும் தொடர்ந்து பல பத்திரிகைகளில் அவருக்கு எதிராக எழுதப்பட்டன.
1996-ம் சட்டசபை தேர்தலை அவர் தனது தோலவியாக கருதவில்லை மாறாக, தன்னை ஏன் மக்களிடம் இருந்து பிரித்தது யார் எதனால் அந்த தோல்வி என்பதை புரிந்து கொண்டார். பத்திரிக்கைகள் தங்கள் ஜனநாயக கடமை செய்வதில் தவறில்லை அதை சரியா கையாண்டு இருக்கலாம் என்பதை உணர்ந்தார் போலும்
அவரின் பக்குவமும் எளிமையும் மக்களை யோசிக்க வைத்தது.
சரித்திரத்தின் ஏடுகள் மாறியது அவரை இகழ்ந்தவர்களே, மேடையேறி அவரை வானாளாவ புகழ்ந்தனர்
அடுத்த வந்த பாராளுமன்ற தேர்தலில் அவர் பேசிய நடுநிலையான பேச்சுகளுக்கும், எந்த தவறை யாரை செய்தாலும் இரும்பு கரம் கொண்டு அடக்கி ஏழை எளிய மக்களுக்கு அரணாக இருப்பேன் என்ற மனதில் இருந்து வந்த அவரின் யதார்த்தமும் மக்களை யோசிக்க வைத்தது. அவரின் அணுகுமுறையில் இருந்த மாற்றம் அவரை தமிழகத்தின் அசைக்க முடியாத சக்தியாக மாற்றியது.
மீண்டும் அவர் ஆட்சிக்கு வந்த போதும் சில பத்திரிகைகள் அவருக்கு எதிராக தொடர்ந்து எழுதிய போதும், அதைப்பற்றி எல்லாம் கவலைபடாமல் ஆட்சி அமைப்பில் கவனம் செலுத்தினார்.
எத்தனை விமர்சனம் வந்தாலும் அரசின் மீது குறை இருந்தால் தைரியமாக சொல்லுங்கள், ஏதாவது ஓர் சில இடத்தில் தவறுகள் இருக்கலாம்.
அதை பத்திரிகை துறையில் இருக்கும் நீங்கள் தான் அரசின் கவனத்துக்கு கொண்டு வர வேண்டிய ஜனநாயக கடமை உங்களுக்கும் இருக்கிறது அதை விடுத்து எல்லாவற்றுக்கும் குறை சொல்லிக் கொண்டே இருக்காதீர்கள் என்று பத்திரிகையாளர் சந்திப்பில் பேசினார்.
அரசு ஊழியர்கள் கட்டிடத்தை திறந்து வைத்து விட்டு அரசு ஊழியர்களுக்கு அதிகமாக செலவு செய்தால் பிற துறைகளுக்கு எப்படி பணத்தை தருவது என்று தடாலடியாக பேசிய போதும் எல்லா பத்திரிகையும் ஓரணியில் நின்று அவரின் கருத்தில் இருந்த உண்மையை மக்களுக்கு எடுத்துச் சொல்லியது.
அதே சமயத்தில் அரசு ஊழியர்களுக்கு வழங்கும் எந்த உரிமைகளும் பறிக்க படாமல் பாதுகாத்தார்.
அவருக்கு குறைந்த பட்ச ஓட்டு கூட கிடைக்காமல் அவரை படுதோல்வி அடைய வைக்க நினைத்து சில பத்திரிகைகள் அவருக்கு எதிராக எழுதியது
நேரத்திலும் அவர் மீண்டும் இரண்டாவது முறையாக முதல்வராக கூடாது என்றே சில பத்திரிகைகள் பரப்புரை செய்தன.
அதைப்பற்றி அவரிடமே கேள்வி எழுப்பிய ஓர் பத்திரிகையாளர்.
நான் கருத்து கணிப்புகளை நம்புவதில்லை, மக்களை மட்டுமே நம்பி தேர்தலில் நிற்கிறேன் எனது மக்கள் என்னை வெற்றி பெறச் செய்வார்..
எனது சரித்திர வெற்றியை உங்களின் பத்திரிகையே செய்தியாக வெளியிடும் அதைப் பற்றியெல்லாம் நீங்கள் கவலைபட வேண்டாம் என்றார்.
அவர் சொன்னது தான் நடந்தது.
இதுவே ஊடகத்தின் கேள்விகளை அவர் பின்னாளில் எதிர் கொண்டவிதம்.
அதேசமயம் பத்திரிகை துறைக்கும் அரசு செயல்படுத்திய நல்ல திட்டங்களை மக்களிடம் கொண்டு சேர்த்து, ஏழை எளிய மக்களுக்கு அரசின் உதவிகளை பெற்று தருவதில் பெரும் பங்கு இருக்கிறது
ஜனநாயகத்தை காப்பதே ஓர் சிறந்த அரசின் கடமை.
வாழ்க ஜனநாயகம் வளர்க பத்திரிகை தர்மம்.
தெனாலிராமன் என்ற புனைப்பெயரில் இலக்கியம் என்பது இக்காலத்தின் கண்ணாடி என்ற கருத்தில் அசைக்க முடியாத நம்பிக்கை கொண்ட ஓர் இந்திய பிரஜை
ராமன் ஷங்கர்
ஜெய்ஹிந்த்
வீட்டில் நடக்கும்
அம்மா அப்பா
சண்டையை வெளியே
சொன்னால் வெட்கக்கேடு
தன்னையே நினைத்து
உருகும் இருகாதலிகளை
பற்றி கூட நினைப்பேதுமின்றி
மனதின் கோபத்தை அடக்கிக்
அதனையே வீராமாக்கி...
சூரனை அழிக்க கிளம்பிய
குறிஞ்சி நிலத்தின் அதிபதி
தங்களின் மாயவிளையாட்டை
அறியாத பாலகனுக்கு...
தாயும் தந்தையும் அன்பாய்
வழங்கிய சக்திவேல்.... பெற்றவர்களின்
செல்லச்சண்டையை உண்மையென்றே
நம்பிய கள்ளமில்லாத குழந்தையவன்...
எதிரியின் கண்ணுக்கும் சிறுவனாய்
தெரிந்தவனின் ஆற்றலை உணர்ந்து
மரமாகிப் போன சூரனின் அரக்க குணத்தை வேலெறிந்து மயிலும் சேவலென்ற இரண்டாக்கிய
திருச்செத்தில் ஆண்டவன்...
பக்கத்தில் துணையாக
சேவலும் மயிலும் .. விண்ணை பிளக்கிறது மக்களின் ஆரவாரம்
வெற்றிவேல்.. வீரவேல்...
முடிந்தது சூரசம்ஹாரம்
அக்காவும் அம்மாவும்
தங்கையும் காட்டிய
எதிர்பார்ப்பே இல்லாத
அன்பை உணர்ந்தவனுக்கே ..
எந்த வித எதிர்பார்ப்பும்
இல்லாமல் கடவுளின்
மீதான காதல் தொடங்கும்
எல்லா வீடுகளிலும்
தந்தை மகனின் மீது
அபரிதமான பாசத்தை தருகிறான்.. ஆனால் சில சுயநலம் பிடித்த
சொந்தங்கள் தங்களின்
சுய தேவைக்காக மூட்டி
விடும் சண்டையில்..
தந்தைக்கும் மகனுக்கும் இடையே... ஏற்பட்ட பனிப்போர்....அதில்
குளிர் காய்ந்த சொந்தங்ள்....
எனவேதான் பல வீடுகளில்
பெற்றவரின் பாசத்தை வெறுத்து விழுகின்றனர்..
காதல் வலையில்
அம்மா தாயே
சாப்பிட்டு நாலு நாளாச்சு
ஏதாவது இருந்தா குடுதாயீ...
கையில் குழந்தையோடு
பிச்சையெடுக்கும் பிச்சைகாரி..
சற்று தூரத்தில் தலையை
சொரிந்தபடி பிச்சை எடுக்கும்
இன்னொரு பிச்சைக்காரன்...
ஓர் கையில் சிறு துடப்பத்துடன்
ஏதோவொரு துணியுடன்
ஓட்டிய தூசியை கூட துடைக்க
நேரமின்றி பணப்பந்தயத்தில்
ஓடும் மனிதரின் பல லட்சம்
காரை துடைத்து விட்டு செல்லும்
ஒர் திமிரு பிடித்த சிறுவன் யாரிடமும் பணத்தை கேட்கவே இல்லை...
சில நொடி சிக்னலில் வேகமாக
விரைந்து சென்ற அந்த சிறுவன் ..
யாருமே காசு தரவில்லை என்ற போதும்
சிரித்தபடியே மறுபக்கம் சென்று
காரை துடைத்தான்.... தூரத்தில்
இருந்து வந்த ஓர் மனிதர்
தனது சட்டை பையில் இருந்து
எடுத்துக் கொடுத்தார்...
2,000 ரூ நோட்டு... சார்
இது ரொம்ப அதிகம் என்றான்...
அவரோ புன்னகையுடன்
சொன்னார்..உன் உழைப்பு
இது சரியான ஊதியம் தான்...
தூரத்தில் பாட்டுச் சத்தம் கேட்டது
ஆண்டவன் ஒருவன் இருக்கின்றான்
அவன் அன்பு மனங்களில் வசிக்கிறான்...
வெளியூர் செல்லும்
விரைவுப் பேருந்தில்
தட்டுத்தடுமாறி ஏறும்
அந்த வயதான பாட்டியிடம்
ஓடிச் சென்று கேட்டான் ஒருவர்
டீச்சர் என்னை நினைவு இருக்கா..
யாரையோ அழைத்து இவங்க தான்
எனக்கு அ...ஆவன்னா....A..B..C..D...
சொல்லிக் கொண்டுத்த
எல்.கே.ஜி டீச்சர்.. சில நொடிகள்
அவருடன் சிரித்த படியே புகைப்படம்
எடுத்துக்கொண்டனர்... பேருந்தில்
இருந்தவரெல்லாம் மகிழ்சியாக இருந்தனர்..
ஆனால் அந்த பாட்டியோ
ஜன்னலோரமாக அமர்ந்து
வேடிக்கை பார்க்கிறாள்... எல்லோரும்
அவளிடம் டீச்சர் நீங்க எப்படி இருக்கீங்க
என்றே விசாரித்தனர்.. ஆனால்
ஒருவருக்கு கூட உங்க பசங்க
எங்கே இருக்காங்க உங்களை நல்லா
பார்த்துகிறாங்களா..டீச்சர் நீங்க
எங்கே இருக்கீங்க என கேட்க தோன்றவில்லை...
வயதான காலத்தில் முதியோர் இல்லத்தில்
வசிக்கும் அவளுக்கு மட்டுமே தெரியும்
அவளின் வலிகள்...மனதிற்குள் அசைபோடுகிறாள்...
எப்படி இருக்கீங்க...எங்கே இருக்கீங்க..
சில வார்த்தைகள் தான் வித்தியாசம்
ஆனால் அதில் இருக்கும்
வார்த்தைகளின் ஆழம்
அழகானவர்களும்
அறிவானவர்களும்
ஆபத்து காலத்தில் உதவாமல் தள்ளிபோவர்
ஆனால் அன்பாவனரும் இரக்கமுள்ளவரும் மட்டுமே
உதவி செய்வர்... இந்த வார்த்தைகள் நிச்சயமாக
எல்லோருக்கும் புரியாது..
ஓர் வேளை உங்களுக்கு
புரிந்து விட்டால் அந்த
அன்பானவரும் இரக்கமானவரும்
நீங்களே என்பதை உணர்வீர்கள்
கல்யாணமானவர்கள் எல்லாம் எப்பவும் சந்தோஷமாக இருக்கிற மாதிரியே நடிக்கிறாங்க.. கல்யாணம் ஆகாதவன் எல்லாம் எப்பவும் கஷ்டத்துலையே இருக்கிற மாதிரி நடிக்கிறானுங்க...
அட தெரியும் தலைவரே.. நான் ஏதாவது சொன்னா நீ உடனே நம்பமாட்டே அதுக்கு நான் விளக்கம் கொடுத்த பிறகு....ஹே... ராம்... உனக்கு மட்டும் மண்டை எப்படி இப்படி எல்லாம் யோசிக்கதுன்னு கேட்பீங்க ... உங்க வீட்டுல இருக்கிற சின்ன குழந்தைகிட்ட பக்கத்தில் இருக்கிற டி.வி ரிமோட் எடுக்க சொல்லுங்க....அதே மாதிரி உங்க வீட்டுகார்கிட்ட பொங்கலுக்கு பத்து பவுன் நகை வாங்கணும்ன்னு சொல்லுங்க...பிறகு தெரியும் யார் எப்படி ரியாக்ஷன் கொடுக்காறாங்கன்னு.... தலைவா இனிமே நீ யோசிப்பே 🤣😂🤣😂😂
கடவுளே இல்லை
என்பவரும் கடவுளே
எல்லாமும் என்பவர்களும்
ஓரே டீக்கடையில் தான்
மசால் வடையும் இஞ்சி
டீயும் குடித்தனர்.. ஆனால்
அவர்களுக்கு செலவு
செய்தது என்னவோ
உண்மையை மட்டுமே
தேடும் இரு வேறு
சிந்தனை கொண்ட
நல்ல இரு மனிதர்கள்..
கடவுள் இருக்கிறார் என்றவனோ
சில்லறை காசுகளையே கேட்டான்.. கடவுளின் பெயரால் உணவு படைத்து
ஏழைக்கு கொடுக்க வேண்டுமென்று..
ஆனால் கடவுளே இல்லை என்றவனோ
தனது எடைக்கு எடையாக ரூபாய்
நோட்டுகளை கேட்கிறான்...
கடவுளை இல்லை என்னும்
பலரும் கடவுளை நம்ப தொடங்கினர்...
எங்கோ இருக்கும் கடவுள் சேவகன்
சில்லறை காசே போதுமென்கிறானே..
இவனை விட நல்லவனை உலகில்
காண்பதரிது என்றே புத்தனாக
பலருக்கு ஞானம் பிறக்கும் இடமே
டீக்கடை வாசல்..
ஏழைகளின் வீட்டில்
குழந்தைகள்
மகாராஜாக்களைப் போல
நடத்தப்படுகிறார்கள்,
பணக்காரர்களின் வீடுகளில்
குழந்தைகள்
அடிமைபோலவே
வளர்க்கப்படுகிறர்கள்
ஓருவன் ஏழையாக
பிறப்பது தவறல்ல..
ஆனால் ஏழையாக
பிறந்த ஒருவன் பணம்
வசதி வந்த பிறகு
பிறரை ஏழையாக
நடத்துவது தான் தவறு...
இன்னும் இரண்டு
மாசம் தான்
இருக்கு அதுக்கு
பிறகு நானும்
உன்னை முன்மாதிரியே வீட்டில்
தான் உட்காரணும்.
நமக்குள்ளே சில வித்தியாசம் தான்டா இருக்கு, மத்தபடி நீயும் நானும் ஓண்ணு தான் என்ற அப்பா காலையில் சாப்பிட உட்கார்ந்த மெல்ல பேச்சை தொடங்கினார்..
அப்பாவுக்கு சொன்னா புரியாது என்றே மகனும்.. மகனிடம் எப்படி சொன்னா புரியும் என்றும்
எத்தனையோ முறை மனதிற்குள் ஓத்திகை பார்த்து விட்டு பேசிய பிறகு வார்த்தைகள் மழை மேகமாய் முட்டிக் கொண்டு தாய் கண்ணில் மழையாக பொழிகிறது... அண்ணன் கோபத்தில் போறான் அவன்கிட்ட பேசுங்க என்னும் தங்கை ...வெகு நேரம் கழித்து வீட்டிற்கு வந்த மகனிடம் யாருமே பேசவில்லை அவனும் கூட முகத்தை இறுக்கமாக வைத்துக் கொண்டு திண்ணையிலேயே படுத்து தூங்கி விட்டான்.
ஏன்டீ புள்ள ராத்திரி பூரா பனியில் படுத்து இருக்கான்.
நான் தான் அவன் மேல கோபத்துல இருக்கேன் நீயாவது என்னவாச்சு பார்க்க வேண்டாம்.. அவனருகில் வந்து போர்வை கூட இல்லாமல் தூங்கி கொண்டிருந்தவனுக்கு போர்வை போர்த்தி விட்டார்.
தூக்க கலக்கத்திலும் அவன் முணங்குவது கேட்டதும் அம்மா, நேத்து ராத்திரி அப்பா சாப்பிடாரா.. இல்ல வழக்கம் போல என்னை திட்டிக் கிட்டே அந்த மனுஷன் தூங்கிட்டாரா. எனக்கு எப்போ நல்ல வேலை கிடைக்க போகுதோ அதுவரைக்கும் அந்த மனுஷன் என்னை கரிச்சு கொட்டிக்கிட்டேத தான் இருப்பாரூ..
அம்மாவிடம் பேசுவதாக நினைத்துக் கொண்டு பேசிய அவனின் வார்த்தைகளை கேட்டவருக்கு ஏதோ ஓர் குற்ற உணர்ச்சி மேலிட்டது.
ச்சே தூக்கத்தில் கூட என்னைப் பத்தியும் என்னோட வார்த்தையும் இவனை இவ்வளவு தூரம் காயப்படுத் இருக்கா என்றவாறே பல்துலக்கி விட்டு வந்தவர்.
சமையல்யறையில வந்த மனைவி தந்த காபியை கையில் வாங்கினார்.
ஏன்டீ நான் என்ன நம்ம புள்ளைய ரொம்பவே திட்டிவிட்டேனா என உறுத்தலான மனதோடு கேட்டார்.
நீங்க எம் புள்ளை கரிச்சு கொட்டாம இருந்தா தான் உலகமே இடிச்சு விழுந்திடுமே அலுத்துக் கொண்டு சமையலறைக்கு உணவு தயாரிக்க சென்றாள்.
அப்பா நீங்க இங்கே இருக்கீங்களா, உங்களை நான் வீடு பூரா தேடிக்கிட்டு இருந்தேன். காலையில் எழுந்து வந்த மகள் வாசலில் உட்கார்ந்து இருந்த அவனின் அருகில் அமர்ந்தாள்.
நேத்து காலேஜில் ரொம்ப நேரம் கிளாஸ் எடுத்தாங்கப்பா.. முதல் நாள் முதல் வருஷமே இவ்வளவு கஷ்டமா இருக்கே இன்னும் நாலு வருஷம் எப்படி தான் படிச்சு முடிக்க போறேனோ தெரியலை..
அரியர்ஸ் எதுவுமே இல்லாத பாஸூ பண்ணுறது கஷ்டமான விஷயம் என்று என்னோட சீனியர்ஸ் சொன்னாங்கப்பா.
உங்க காலத்தில் எல்லாம் படிப்பை இவ்வளவு கஷ்டப்பட்டு படிச்சு இருக்க மாட்டீங்க தானே என்ற போது ம்ம்ம் என்பது போல் தலையாட்டினார்.
அப்பா எனக்கு இன்னும் தூங்கமாவே தான் இருக்கு.
இந்த சனி ஞாயிறு இரண்டு நாளு தான் இனிமே லீவு மத்த நாள் எல்லாம் படிப்பு புஸ்தகம் தான் என்ற படி அவரின் மடியில் படுத்தாள்.
காபி எடுத்து வந்த மனைவியோ திட்டினாள்..என்னங்கநீங்க வீட்டில் இருக்கும் போது இந்த கழுதை ஓர் வேலை செய்யுது இல்லை..எதாவது சொன்ன உங்க முன்னாடி வந்து கண்ணை கசக்குறா நீங்களும் கழுதை மாதிரி வளர்ந்த பொண்ணை மடியில் போட்டு கொஞ்சி கிட்டு இருக்கீங்க.
உங்க இரண்டு பேருக்கும் விவஸ்தையே. கிடையாது. ஏய் என்டீ பிள்ளையை கரிச்சு கொட்டுறே இன்னும் நாலு வருஷமோ அஞ்சு வருஷமோ தானே நம்ம கூட இருக்க போறா அதுக்கு பிறகு புகுந்த வீட்டுக்கு போனா அவளுக்கும் உன்னை மாதிரியே பொறுப்பு வந்திட போகுது.
உன்னை மாதிரியே தான் உன் பொண்ணு
நான் எதாவது சொன்னா, ஏதாவது சொல்லி என் வாயை அடைச்சிடுங்க.
பொண்ணுக்கு இவ்வளவு செல்லம் ஆகாது... இந்தாங்க காபி பிடிங்க.
இப்போ தானடீ குடிச்சே..இது உங்க மகாராணிக்கு. அவங்களுக்கு தூங்க களைப்பு போன பிறகு எழுந்திருப்பாங்க அப்போ அவளுக்கு ஊட்டி விடுங்க சரியான தறுதலை லீவு நாளில் பெத்தவளுக்கு ஏதாவது உதவி செய்யணும் என்று தோணுதோ சிடுசிடுப்புடன் சென்றாள்..
அப்பா உன் பொண்டாட்டிக்கு என்னாச்சு காலையிலேயே உன்னை திட்டிவிட்டு போறாளா..
ஏய் திருடி அப்போ இவ்வளவு நேரம் நீ நாங்க பேசுறதையெல்லாம் கேட்டு கிட்டு தான் இருந்தீயா.
பிறகென்னப்பா இரண்டு நாள் லீவுல கூட பாத்திரம் கழுவு வீடு துடை துணியை துவைச்சு போடுன்னு இம்சை பண்ணுறா.
சரி அதை இப்படி கொடு என்றாள்.
ஏய் குட்டி கழுதை பல்தேச்சுட்டு தான் காபி குடிக்கும் என்று எத்தனை தடவை சொல்லி இருக்கேன்...
அப்பா நான் உன் பொண்ணுப்பா நீ சொன்ன எதையும் மறக்க மாட்டேன் நீ சொல்லி கொடுத்த படி தான் செய்வேன்.அப்போவே பல்துலக்கிட்டேன்.. அரக்கி கிட்ட இருந்து தப்பிக்கத்தான் இந்த நாடகம்.என்றவள்.
அப்பா நான் ஒண்ணு சொன்னா நீங்க கோபிச்சுக்க மாட்டீங்கன்னா நான் சொல்லுவேன்.
சொல்லு தங்கம் நீ சொல்லி நான் எதையாவது மறுத்து இருக்கேனா.. உனக்கு என்ன வேணும் சொல்லு.
எனக்கு எதுவும் வேண்டாம்ப்பா, ஆனா நீங்க அண்ணனை வேலை போகலை என்று தினமும் திட்டிக்கொண்டே இருப்பதை என்னால் பொறுத்துக் முடியலை நேத்து என்னை காலேஜில் இருந்து கூட்டிக்கிட்டு வரும் போது அண்ணன் முகம் எப்படி வாடிப் போய் இருந்துச்சு தெரியுமா.
ஏன்ம்மா உன்கிட்ட ஏதாவது சொன்னானா.
இல்லைப்பா, நீங்க அவனை கஷ்டப்பட்டு படிக்க வைச்சீங்க அவனும் நம்ம குடும்பத்தோட நிலைமை தெரிஞ்சு யாரிடம் பேச கூட மாட்டான் தெரியுமா.. ஏன்டா அமைதியா இருக்கேன் கேட்டேன்.
பாப்பா நீ அப்பாகிட்ட சொல்லு ஓர் வேளை இந்த மாசத்துக்குள்ள வேலை கிடைக்காம போன என்று கண்கலங்கினான்..
வேற எதுவும் சொன்னா..
இல்ல அப்பா.. நான் எங்கேயாவது போனா என்னை தேடாம உன்னால் பார்க்காம இருக்க முடியுமா பாப்பான்னு கேட்டான்..
ஏன்டா இப்படி கேட்குமே ன்னு சொன்னதுக்கு நான் படிச்ச படிப்பு... இந்த கம்பெனி வேலைக்கு தான் சென்னை பெங்களூர் போனா தான் வேலை கிடைக்கும் ஆனால் என்னால் உங்களை பார்க்காம ஓர் நாள் கூட இருக்க முடியாதேன்னு வருத்தமா சொன்னான்...
சரிம்மா இனிமே அவனை அதிகமா திட்ட மாட்டேன் என்றது சரி நான் போய் அரக்கிக்கு உதவி பண்ணுறேன் இல்லாட்டி வேண்ணும்னே காலை சமையலை லேட் பண்ணுவா என்றாள் வாயாடி மகள்.
தகவலை மிக எளிதாக சொல்லி விட்டு போன மகள்..இதோ மாதிரி தானே எனக்கும் வேலை கிடைக்காம கஷ்டப்பட்ட போது, அப்போது அவர் மனதில் தோன்றிய விஷயங்களை நினைக்க நினைக்க மிகவும் பயமா இருந்தது.
தூங்கி கொண்டிருந்த மகனின் முகத்தை பார்த்தார்.கல்லூரி முடித்தவன் என்பதை சொன்னால் யாரும் நம்பமாட்டார்கள் அவ்வளவு அப்பாவியான முகம்..
சிந்தனைகள் பலவிதமாக மனதில் அலையடித்தது, மெல்ல எழுத்தவர் தட்டுத்தடுமாறி நடந்தவர் ஏதோ ஓர் சிந்தனையில் வாசலில் தடுமாறி விழுந்தார்.
அவர் விழுந்த சத்தம் வீட்டின் உள்ளே சமையல் வேலை பார்க்கும் போது ரேடியோவை அலற விட்டபடி இருந்தவர்களுக்கு கேட்டு இருக்க நியாயமில்லை.
ஆனால் நொடியில் அப்பா என்னப்பா ஆச்சு உனக்கு நேத்து மாத்ததிரை நேரத்துக்கு சாப்பிட்டீயா.. இல்லை என் நினைப்புலையே.. அன்பும் அக்கறையுமாக கேட்டவனின் வார்த்தைகளில் தனது இளமை காலத்தை நினைத்து சிரித்தார்.
சாப்பிட்டேன் தம்பி, அப்பா இனிமேல் உன்னை ரொம்ப திட்ட மாட்டேன்டா..நீ எதுவும் தப்பான முடிவு எடுத்திடாதே அதற்கு மேல் பேச இயலாதபடி அவனின் கண்கள் கலங்கி இருந்தது..
நான் எந்த தப்பான முடிவு எடுக்கலைப்பா... நேத்து நண்பனோட அப்பா ஓர் கம்பெனி தொடங்குறாரூ.அவருக்கு ஓர் சூப்பர்வைச்சர் தேவைன்னு கேள்வி பட்டேன் அதான் போய் பார்த்து பேசிட்டு வந்தேன் அடுத்த வாரத்தில் இருந்து வரச்சொல்லி இருக்காங்க.
என்ன கம்பெனி என்றார், புதுசா தொடங்குறாங்கப்பா..
வீடுகளுக்கு தேவையான சோலார் பேனல் தயாரிச்சு விற்பனை செய்ய போறாங்களாம்.. அதான்
கைத்தாங்கலாக பிடித்த படி அவரை திண்ணையில் அமர வைத்தார்.. ஏன்ப்பா நீங்க எதுவும் கனவு கண்டீங்களா.என்றது
அவனின் கன்னத்தை அன்பாக தடவினார். நான் உதட்டில் தான் உன்னை திட்டினேனே தவிர நீ வெளியூர் வேலைக்கு போனா உன்னை பார்க்காம எங்களால் இருக்க முடியாதுடா தம்ப என்றபடி அவனின் மார்பில் சாய்ந்தார்.
எனக்கு பிறகு இந்த வீட்டிற்கு நீ தான்டா பொறுப்பா பார்த்துகிடணும் என்றவரை எப்போதும் எதிர்த்து பேசும் அவன் சரியென்றான்.
தூரத்தில் முருகன் கோவிலில் ஸீபீக்கரில் பாடல் ஒலித்தது.
“”””””””” ஊருண்டு பேருண்டு உறவுண்டு சுகமுண்டு…
உற்றார் பெற்றாரும் உண்டு…
ஊருண்டு பேருண்டு உறவுண்டு சுகமுண்டு…
உற்றார் பெற்றாரும் உண்டு…
நீருண்ட மேகங்கள் நின்றாடும் கயிலையில்…
நீ வாழ இடமும் உண்டு…
நீருண்ட மேகங்கள் நின்றாடும் கயிலையில்…
நீ வாழ இடமும் உண்டு…
தாயுண்டு மனம் உண்டு…
தாயுண்டு மனம் உண்டு…
அன்புள்ள தந்தைக்கு தாளாத பாசம் உண்டு””””””””
என் நண்பன் வங்கிக் கணக்கில் 100 கோடி ரூபாய் இருக்கிறது என்று நான் சொன்னால், என் நண்பன்,உறவினர்கள், முன்னோர்கள், நண்பன் நலம் விரும்பியான ...