தலைவர் பதவி

தலைவா வாழ்க...
தலைவரே நீயே
என்னுயிர் உனக்காக
எதையும் தருவேனென்று
அடிக்கடி வாக்குறுதி
தந்து தேர்தலில்
பிறருக்கு சொன்ன அதே
வாக்குறுதிகள்
காதுகளில் உரைத்தான்
கட்சிக்காரன் எதிர்பாராத
விதமாக விதியின்
வசத்தில் அந்த அசைக்கவே
இயலாது என்று ஊர் மக்கள்
பேசிக்கொண்ட கட்சியில்
உட்கட்சி பூசுல்...
பார் போற்றும் தலைவர்
என பாராட்டியவனே அவரை
முதலில் தள்ளி விட்ட
புண்ணியவான்...
தலைவர் பதவியில் இருந்தவர்
தலைகுப்புற விழுந்த போது .
சுற்றி நின்ற தொண்டரெல்லாம்
விரைந்தே ஓடினர்.. அந்த
நாற்காலியில் யார் முதலில்
அமர்வது என்றே தொடங்கியது
அறுபது வருட கட்சியில்
அரை நொடியில் மாறிய
காட்சிகள்... கீழே விழுந்த
தலைவருக்கு மருந்துக்கு கூட
ஆறுதல் சொல்ல ஆளில்லாத ...
மனதிற்குள் பல வலிகளை
சுமந்த படியே உதடுகளில்
முணுமுணுத்தார்..எந்த
கட்சியிலும் கட்சி பதவி மட்டுமல்ல
தொண்டர்களை நீக்கும்
அதிகாரம் பொருந்தியதும்
நிரந்தரமற்றது...
தலைவர் பதவி